Klubbrabatt på Sport 1 Ørsta

For dei som tenkjer å kjøpe nytt klatreutstyr framover oppmodar me alle våre medlemmar til og handle lokalt på Sport 1 Ørsta AS.Sport 1 Ørsta AS har det siste året tatt inn klatrerelaterte produkt, mellom anna Klatresko av merke Black Diamond.No utvider dei sortimentet sitt med La Sportiva Modellen Miura.Dei har også klatretau, selar, taubremser, karabinar, kilesett, kalk og diverse anna som kan vere aktuelt fot alle nivå som driv med klatring. Dei har og tatt inn klatrerelaterte bukser, t-skjorter og anna kle for dei som ynskjer dette.
Som medlem av Sunnmørsk Klatreklubb får du 20% rabatt på Sport 1 Ørsta AS når du handler (mot at du viser gyldig medlemskort).
Vi oppmodar alle våre medlemmar til og ta i bruk klubbrabatt på Sport 1 Ørsta når dei skal handle klatreutstyr.Legg igjen pengane lokalt og støtt lokal handel. Du får produktet samme dag, dei får muligheit til og utvide og kan og konkurrere med prisar på nett.


Lagt inn i Ymse | Legg att eit innspel

Takk!

Eg vil takke SKK for æresmedlemskap – og alle eg har klatra med for tolmod og turfølge!

Utesesongen starta i Julsundet ved Molde 8.2 i lag med romsdalsvener (bilete tekne av Steinar Kringstad under).

I år kjem eg til å jobbe på Gjøneset, Syvdsneset (Haukelandsnipå) og i Molladalen. Dei som vil vere med på dugnad, må berre ta kontakt.

Eg dreg til Provence i månadsskiftet april / mai. Dei som vil vere med må berre ta kontakt. Det vert ein hausttur også.


Stabben i Julsundet
Metusalem
Boromir
Lagt inn i Ymse | Legg att eit innspel

Filmframsyning av Pretty Strong på kvinnedagen

8. mars viser SKK på ny, film på Ivar Aasen tunet.

Pretty Strong handlar om 8 av verdens sterkaste kvinnelige klatrarar når dei utforskar nye klatreområder, utfordrar eigne prosjekt og legg føringar for klatresporten i seg sjølv.
Opplev stor eksponering, ståpåvilje og mot i denne kvinnelige klatredokumentaren som fokuserar på kvinner og motiverar alle kjønn på globalt nivå.

Trailer: https://www.youtube.com/watch?v=-Tf1Clf1QTY&feature=emb_title

Pretty Strong – a climbing film about women, by women, and for everyone.

Stad: Ivar Aasen-Tunet
Dato: Den internasjonale kvinnedagen 08 mars
Dørene opnar: 17:00 filmen startar 17:30
SKK medlemskap: Gratis inngong
Ikkje medlem: 100kr

Velkomne til filmkveld på Ivar Aasen-Tunet, søndag 8. mars!

Lagt inn i Ymse | Legg att eit innspel

SKK´s første æresmedlem.

Fotograf: Sindre Dimmen.

Under årets lysbildesamling på Standalshytta delte styret i Sunnmørsk Klatreklubb ut den første æresprisen sidan klubben vart stifta i 1974. Når det gjeld ildsjeler i klubbens historie er det ein person som stikk seg spesielt ut, nemleg Tore Lundberg. Tore har sida klubben blei stifta hatt eit engasjement for utvikling og etablering av nye ruter og klatrefelt. Om du har lest i klatreføraren for Ørsta/Volda har du kanskje lagt merke til navnet Tore Lundberg som står oppført som førstebestigar på dei fleste rutene som er i området. Og for Molladalen der Tore  med andre har stått på og etablert nye ruter jevnlig til den dag i dag. Tore har også vist engasjement for rekruttering og vore mentor for monge innan klatresporten. Det er monge klatrarar i dag som klatra sine første ruter i dei omliggande klatrefelta eller i Molladalen sammen med Tore. Men det er ikkje berre på Sunnmøre og Norge Tore har hatt interesse for å klatre. Han har reist verden over og klatra på fleire kjente og ukjente klatredestinasjonar, gjerne i selskap med ivrige medlemmar fra klubben.

Prisen blei delt ut av Kjetil Solbakken på vegne av SKK, som sjølv har klatra monge år sammen med Tore. Sjølve prisen var ein statuett som var inspirert av «bladet», laga av Ingeborg Rørvik Lejon

Tore Lundberg med prisen. Og prisutdelar Kjetil Solbakken i bakgrunnen.Fotograf: Sindre Dimmen.
Videoopptak av prisutdeling. Fotograf: Fred Somby.
Lagt inn i Ymse | 1 innspel

Klatring, ein sport for alle

Forrige laurdag vitja Magnus Midtbø, ein av Norges fremste konkurranseklatrarar gjennom tidene, Ørstahallen.

I den elles regntunge januarmånaden var det lite å seie på positiviteten til arrangørane i klatreklubben.
På arrangementet som var publisert på facebook på førehand var det over 300 interesserte, både frå lokale og folk utanfrå. Folk kom frå Sogndal, Gloppen, Eid, Ålesund og Ulsteinvik.

Klokka tolv var ordføraren i Ørsta Kommune, Stein Aam, på plass i klatrehallen. Saman med leiaren i klubben, Thomas Riis, proffklatrar Magnus Midtbø og konferansier Daniel Garden vart det avhaldet ein opningsseremoni, før Magnus og Stein Aam opna det nye treningsområdet på SpareBank1 Platået.

Opninga av treningsområdet. Foto: Trygve Hamre

Daniel Garden gjekk attende til mikrofonen etter opninga og orienterte publikum om programmet vidare.
Kl. 13.00 starta ein uhøgtideleg buldrekonkurranse der Magnus Midtbø var med og viste musklar på nokon av dei hardaste rutene. I buldrekonkurransen var det over 60 deltakarar i alle aldrar.

For dei som ikkje deltok på sjølve konkurransen var det open klatrecafè under arrangementet. Kaffi, kaker, pølse og brus var til stor begeistring for dei frammøtte (stor takk til dei som stod på der).

Det var ikkje berre kaker og kaffi folk ville ha, denne dagen. Barn og unge var også ute etter sjølvi med sjølvaste Midtbø himself ! Han måtte takle stort press frå ivrege fotografar denne dagen.
Mellom alle desse aktivitetane var Daniel Garden flink med mikrofonen og opplyste publikum om kva som føregjekk til ei kvar tid.
SpareBank1 Søre Sunnmøre var også på staden med eigen stand i samanheng med arrangementet.

Etter buldrekonkurransen var det Magnus sin tur til å vise fram ferdigheiter i klatreveggen. Campusflytt, lange fall og raske flytt fekk mange til og måpe – retteleg imponerande!

Publikum benka seg forran klatreveggen når Magnus brillierte i hovudveggen.
Foto: Tove Halse Digernes

Vinnarar av buldrekonkurransen

Barn < 12 år
1. plass Sondre Vatne Haram, SKK
2. plass Håkon Kipperberg
3. plass Ingvild Kleinrath, SKK

Junior > 13 år
1. plass Sindre Sollid, Gloppen
2. plass Iver Aarflot Jønnson, SKK
3. plass Oliver Svedjan, SKK

Herrer
1. plass Arne Farestveit, Sogndal
2. plass Torbjørn Ruud Hagen, Eid
3. plass Thomas Riis, SKK

Damer
1. plass Silje Selseng, SKK
2. plass Lillian Auflem Øye, SKK

Premiane var som fylgjer.
1. plass kr 1000 frå SpareBank1
2. plass kr 500 frå SpareBank1
3. plass klatremerch frå Sport1 Ørsta.
Takk til våre sponsorar og gratulerer til våre vinnarar!

Ungdomsgruppa SKK med trenar Øystein Dahl og inspirator Magnus Midtbø.
Foto: Daniel Garden

Tilsaman var det over 350 personar som møtte opp til arrangementet i Ørstahallen denne dagen. Vi vil rette ei stor takk til ordføraren, tilreisande og lokale innbyggjarar.
Stor takk også til arrangørane som stod på og gjorde sitt beste for at alt skulle gå bra! Ekstra takk til Magnus Midtbø som kom til oss i Ørsta for å spreie klatreglede og inspirasjon til klatrarane på Møre!

Neste arrangement kjem allereie neste helg, då klubben arrangerer sitt årlege lysbildeshow på Standalhytta med middag og overnatting.
Velkomne dit.
Andre helga i februar dreg SKK på isklatringssamling til Oppdal for fyrste gong i klubben si historie. Der slår vi eit slag for isklatrarane i klubben. SKK har booka 2 hytter på Granmo Camping.

Om du ynskjer å vere med på desse turane, send melding til Øystein Dahl
(arrangementsransvarlig) eller sjekk ut våre arrangement på facebooksidene våre «Klatrehallen i Ørsta» eller «Sunnmørsk Klatreklubb»

Lagt inn i Ymse | Legg att eit innspel